Itanagar, Sep 7: China a·songni Siang-o donggipa chiring-chibisik, Yarlung Tsangpo chibimako dal·prete na·gil kapengna am·enganichi ka·majolchipak chibima tipna gita jajrenganirang dongani gimin ia chibimako tange rakkina gita ma·mong sorkarini Arunachal Pradesh a·doko Siang chibimako dal·e na·gil kapengskana gita chanchie ra·baenggipani bidingo a·dokni skotong minister Pa Pema Khandu, Bristibar salo assembly-o u·iatangaha.

Assembly tom·ani Zero Hour-o Congress dolni membor Lombo Tayeng-ni sing·anina skotong minister aganchakangengon, China a·song, uamangni 14-gipa five-year plan-ni bak gita Tibet-o 60,000 MW dam ba na·gilko kapengna tik ka·aha ine u·itangaha.

A·doko ia dal·begipa project-ko ra·baanichi gipinrangna nangchakeani bidingo sing·doangskaanina, skotong minister, na·gil kapenganichi ka·machina jokonanganio Bangladesh-naba apsandake nangchekani donggen ine u·iatenba, iani bidingo Brahmaputra Board baksana sorkarini gadangoba baditaba chang agangrikaniko dakmanaha ineba ua u·iatangaha.

“Siang chibimako je cholchiba tange rakkina nangchongmotenga. China a·song ia chibimako maibakai pekwatatode, chibima rang·san tipangskagnok aro maibakai kosakchini chi dal·baskaode, Siang a·kawe jolo aro songsul Assam aro Bangladesh-rangoba chi-ban ong·na kenchakanirang dongskaenga, uni gimin iandakgipa chi-bana ong·aniko champengna gita kosako kapenganiko dakna gita nangskagen ineba skotong minister parakataha.

Iakoba poraie nina man·gen: BJP-ni padotko mikkang niteanina matnangenba Pa Shangpliang, a·dokni BJP doloni ong·kata

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub