Gangtok, June 15: Sikkim a•dokni Skotong Minister Prem Singh Tamang, Mangan a•jani Melli-o mikka balwa ta•rakangani a•selo neng•nikaniko man•enggipangko re•angenba nirokaniko dakangaha aro uamangna sorkarini gita dakchakaniko on•a ku•rachakangaha.
Prem Singh Tamang kobor ra•timgiparang baksa agangrikengon, ia a•sel ong•anio sak 9 manderangni janggiko gimaatna nangao ga•akaha aro bang•a manderangan neng•nikaniko man•tokaha, jeon, Mangan a•jaoni, sak 6 manderang siaha aro te 40 nokrang chu•gimikan nosto ong•atako man•aha. Indake, 67 nokdangrangko relief camp-ona jitataha aro pilak nangarangko uamangna on•enga ine aganaha.
Ia obostani bidingo Union Home Minister Amit Shah-naba koborko on•atahaon, uamangna dakchakaniko on•a ku•rachakata ineba ua janapataha.
Jimbee mikka waanichi bang•bata rama sorokrangba champengatako man•aha aro uarangko Ministry of Transport-ni Director General-ba nirokanganiko dakangaha ineba Tamang janapataha.
Ia ong•a obostani bidingo aro rama sorokrangko naljokatna gita ma•mong sorkari gisiko nange kamko ka•enga aro ia a•selo sianggipa nokdangni manderangna sorkarini gita gong lakh 5 tangkarangko on•aba ua ku•rachakangaha.
Iani gisepon, sak 1200 mangni gita a•songtangni tourist-rang aro sak 15 gipin a•songni tourist-rang, rama sorokrang champengatako man•enba hotel-rango jachange dongna nangao ga•akengaha, aro mikka balwarang komiangahaon uamangko helicopter-ni tru jokatgen ineba Tamang ka•donganiko on•ataha.
Batanggimin antioba, jimbee mikkarang waanichi aro a•arang ruanichi Teesta chibimani chi ditdoenba, gipin a•dokrangona re•enggipa mongsonggipa ramarang champengatako man•aha.
Na·simang ia video-koba nina man·gen:
Na·simang iakoba poraina man·gen: Jimbegipa mikka balwa ta•rakanichi South West Khasi Hills-o a•arang rua
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
