Gangtok, Jan 24: Sikkim a•doko mongsonggipa opposition Sikkim Democratic Front (SDF) dolni vice president Ganesh Rai-ko man•chape dolna kam ka•enggipa sak 42 manderang, dolni dilgipa aro Sikkim-ni gitcham chief minister Pawan Kumar Chamling-ko gale doloni ong•katgrimaha aro gital political dolko bikotskana tik ka•angaha.
Doloni ong•katgrima segipa chittiko gitcham Deputy Speaker Sonam G Lepcha, gitcham Minister Dawcho Lepcha baksana SDF-ni ku•wattimgipa Prashant Babu Chettri aro south district-ni vice president Ganesh Rai on•angaha.
Uamangni kam watani chittio parakani gitade, 2019 bilsini election-o uamang amako man•ani ja•man SDF-o uamang gital dake bilakaniko ra•bapilna miksonggenchimoba ia sorkari Sikkim-o songdongenggipa manderangni nangnikani gita kam ka•jaengani gimin ia 2022 bilsio uamang gital political dolko bikote 2024 bilsini election-o susana miksonganirang dongani gimin uamang SDG doloni ong•katna nangniktokaha.
SDF dolo donge uamang Sikkim-ni manderangna maming namgnirangko ra•bana man•jahani giminsa gital dolko bikotskana uamang SDF-oni ong•kataha ineba Rai parakataha.
Ganesh Rai-ni jikgipa Tulsi Devi-ba SDF-ni ning•on 2019 bilsiona kingking minister ong•e kamko ka•ahachim.
