Gangtok, Apr 11: Sikkim Assembly Election-ko ong•atna siengani gimin Bharatiya Janata Party (BJP)-ni ‘Sankalp Patra’ ba ‘Ghosna Patra’ ine minggipa manifesto-ko Bristibar salo, BJP-ni national president JP Nadda oprake on•angaha.
Ia tom•bimonganio Nadda, Sikkim a•dokni manderangna aganprakangengon, salgro salaram a•dokrangna Prime Minister Narendra Modi-ni niksamsoe tarigimin program-rangko agan-talate on•angaha.
Salgro salaram jolrangko a•songni mongsonggipa bakrang baksa nangrimatgipa ‘Look East, Act East’ policy-ni giminba ia tom•anio BJP-ni national president talate on•angaha.
Dingtanganiko ra•bana gita BJP-ko seokchina Sikkim a•dokni manderangko didiangengon, Sikkim a•dokni regional party-rango pangchake dongaigija, namroro silroroaniko ra•bana ku•rachakenggipa BJP baksa bakrimchina Nadda aganaha.
BJP sorkarini somoio salgro salaram a•dokrangna bang•en dingtanganiko ra•bana man•aha ine janapangengon, batanggimin bilsi 10-ni gisepo salgro salaram jolni sak 9000-na baten bobil dake chakatgipa manderang an•tangtangko bame on•aha, 82 percent-ni gita so•sojengjeng ong•anirang komiangaha aro salgro salaram a•dokrango namroro silroroaniko ra•bana gong crore lak 5 tangka paisarangko koros ka•aha ine BJP-ni national president parakataha.
BJP-ko Kristianrangni kosako chakatgipa dol ine ma•sisrettokenga ine talataniko on•angengon, Kristianrangni jelbra jelsugipa Nagaland a•dokon BJP sorkariko chalaienga ine Nadda parakataha.
Na·simang ia video-koba nina man·gen:
Na·simang iakoba poraina man·gen: Northeast-ni mingsinggipa MasterChef Nambie Jessica-ko NPP party-ona Conrad rimchaksoa
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
