Shillong, Apr 12: Mongolbar salo Ri Bhoi a·jani sima jolrango donggipa dingtang dingtang songni dilgiparang, Chief Minister-ko grongna man·jahani gimin suk ong·gijaniko parakattokahaon, iani bidingo ua maming ma·sisoanirang dongjachim maina songni dilgiparang uko grongna gita somoiko ra·chenga dongjahachim ine Meghalaya a·dokni Chief Minister Conrad K Sangma talataniko on·angaha.
Grongna gita somoiko ra·chengchina songni dilgiparangko didiatengon, ua je somoioba uamangko gronge uamangni nangnikanirangko agan-chanchirimna kusi ong·aigen ine Sangma parakataha.
Adita salrangna skang, Assam aro Meghalaya sorkarirangni soi ka·grikgimin memorandum of understanding (MoU)-ko nipilchina gita uamangni dabienggipani bidingo janapatengon, iako ma·mong sorkarini mikkangosa soi ka·grikahani gimin ia MoU-ko nipiltaiani kattade nakatjaha ine Chief Minister parakataha.
