Shillong, Oct 18: A·dokoni game-ge·e cha·giparangna dakchakaniko on·enggipa Krishi Vigyan Kendra (KVK)ni Administrative Building-ko West Khasi Hills a·jani Nongshillong-o a·dokni skotong minister Pa Conrad K Sangma, Mongolbar salo nokdonggae on·angaha.
I encourage the officials to make it a Centre of Excellence and tailor their services to address the requirements of the area, and through their research and knowledge to further help our farmers to grow. pic.twitter.com/rWdF92GfyQ
— Conrad Sangma (@SangmaConrad) October 18, 2022
Building-ko nokdonggae on·ani somoio jinmana aganprakangengon, game-ge·e cha·giparangko tang·doatna science aroba technology-ni gita kamrangko ka·aniara namen nangchongmotgipa bak ong·a aro gamgiparangko ra·dona miksonge kam ka·anio KVK mongsonggipa ong·e kamrangko ka·anggen ine skotong minister parakataha.
Skotong minister, ia biapko game cha·giparangna dakchakanirangko on·anio nambatsranggipa ong·atchina officialrangko didiangan baksa, a·jana nanganirango pangchake game-ge·e cha·giparangna dakchakchina gita aro uamangni am·sandie ra·anirangchi aro u·ianirangchi a·jani game cha·giparangko tang·doatna dakchakaniko on·angchinaba agan-ku·pattiangaha.
Salni programo, skotong minister, ua joloni game-ge·e cha·giparangko dingtangmancha mande ra·aniko dakanga baksana nanga gita uamangna dakchakanikoba on·angjolaha.
KVK-ara National Agricultural Research System (NARS)ni ning·o donge kamko ka·skaenggipa bak ong·a jean biaprango pangchake technology-ni gita pilak kamrangko ka·achi game-ge·e cha·giparangna aro badingchiwale cha·giparangna dakchakanirangko on·enggipa ong·a.
