Shillong, Feb 7: Smart City project-ni ning•o ming 25 project-rangko sorkari jako ra•e ka•engaha aro ia project-rangna koros ka•ani gong kror 500-na batengaha ine Sombar salo, Meghalaya a•dokni Chief Minister Conrad K Sangma parakataha.
“Smart City project-ni kamrangko anga an•tangan nieaha aro kamrangni matchotangengako nike anga kusi ong•a,” ine Sangma aganaha.
Da•o adita salrangni gisepon gong kror 250-na batgipa ming 20 project-rangko a•bachengatgnok ineba Chief Minister parakataha.
“Chingni manchisogimin gitan kamrang ong•engaha aro kamrangko nike anga namen kusi ong•enga. Haida da•o mikkang bilsiode an•ching mitam project-rangkode matchotate a•bachengatna man•naba dongaha,” ine Chief Minister aganaha.
