Shillong, Apr 19: Smart meter-ko jakkalani bidingo a•dokni manderangna talataniko on•chengjaskal, Meghalaya a•doko aro mongsongbate Jaintia Hills a•jarango smart meter-rangko chate on•kujachina gita Mongolbar salo Ri Jaintia-ni Synjuk Waheh Shnong, a•dokni Power Minister Prestone Tynsong-na sedoataha.
Synjuk Waheh Shnong-ni president A Lipon-ni parakatani gitade, Jaintia Hills a•jani mitam nokrango chate on•gipa smart meter-rangara tik ong•e kam ka•gipa kolba ong•jaengani a•selan manderang neng•nikanirangko chagrongna nangtokengachim.
Ia smart meter-rangara manderangni bijoli jakkalaniko name mesokna man•gipaba ong•ja aro bijoliko komibate cha•atna dakchakgipaba ong•jaenga ine Lipon parakataha.
Smart meter-rangko chatanio bill-rang nangana bate sokgenchimode kangal cholgrirangsa neng•nikanirangko man•gen ineba Synjuk parakataha.
Indake ong•engon, ia smart meter-ni bidingo sorkari, manderangna talatanirangko on•chenggen ine a•dokni Power Minister aro Deputy Chief Minister Prestone Tynsong, Ri Jaintia-ni Synjuk Waheh Shnong-na ku•rachakaniko on•ataha.
