Shillong, Feb 15: Meghalaya a•doko songdongenggipa nokrango smart metre-rangko chatna gita a•dok sorkari, MeECL-na ge•etaniko on•manaha ine Jaintia Hills-ni Synjuk Waheh Chnong Ri Jaintia (SWCRJ) parakatenba, nokrango smart metre chataniko raken jegalataha.

SWCRJ-ni president A Lypon-ni parakatani gitade, ia smart metre-rangko chatanichi manderang namgniko man•genma man•jawa uko manderang ma•sitokkujaengani gimin uamang da•o dipet nokrango smart metre chataniko nangnikkujaenga.

Ia smart metre-ni bidingo manderangna talate on•anirangko dakchengchina Power department aro MeECL-ko didiangengon, da•o dipet nokrango smart metre chataniko champengkuchina SWCRJ, dingtang dingtang songni dilgiparangkoba didiataha.