Imphal, Sept 17: Mongobar salo Modi-ni gittamgipa changna ma·mong sorkariko chalaiani sal 100 gapon so·sojengjeng ong·ako chakna nangenggipa Manipurni manderangna salantio cha·a ringanio nangchongmotgipa bosturangko dam nom·ao palna gita Union Ministry of Home Affairs cholko bikote parakataha.
Ia cholko bikotania Kendriya Police Kalyan Bhandar (KPKB)ni gita man·gnirangkoba a·dokni manderangna chol oe on·anian ong·a.
KPKB-ko Ministry of Home Affairs 2006 bilsio a·bachengataha. Ua cholko bikotanichi Central Armed Police Forces (CAPFs) aro Central Police Organizations (CPOs) aro India a·song gimikon state police force cha·a ringanio jakkalna nangchongmotgipa bosturangko dam nom·batao man·a.
Manipuro so·sojengjeng ong·e manderangni janggi tanganio neng·nikaniko man·engako nigrike, a·dokni pilak mandeba apsan dakgipa cholko man·china gita sorkari ja·ku de·aha.
Manipur sorkarini Commissioner of Home, Ashok Kumarni talata gitade KPKB-ni gita man·gnirangko sualna gita a·doko dam 21 biaprang baksanaba dam 16 gital kuligipa a·damrang dongaha, aro uarangoni manderangna cha·anirangko tikatna a·bachengaha.
Uarang baksana dakchakdapna miksonge Manipur sorkari garirango saljojoe palanirangko a·bachengataha, jeon merong, alu, rasin, dal, tobe aro kariko September 15 tarikoni dam 16 biaprango brena chol ong·ataha.
September 18 tarikode uarangko Senapati, Kangpokpi, Noney, Tamenglong, Tengnoupal, Ukhrul aro Kamjong-oba man·gnok.
Na·simang ia video-koba nina man·gen:
Na·simang iakoba poraina man·gen: Rs 4 Cr batani Methamphetamine sam palsrukna ra·bagipa Myanmarni mandeko Aizawl sambao rim·a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
