Shillong, May 11: Sohiong eleksinni ja·man, bakrime rikenggipa MDA-II sorkario dingtanganiko nikgnok ine jangbingbangenganiko NPP-ni dilgipa aro dakchakgipa skotong minister Pa Sniawbhalang Dhar, Bristibaro jegalataha.

Batanggimin February jao Meghalaya state assembly election-ko ong·atna skang eleksinko changgipinona dontongatgipa Sohiong constituency-o mija Butbar salo pu·onatani matchotangahachim jeni result-kon re·baenggipa May 13 tariko parakatnasienga.

Indake ong·engon, koborrang jangbingbangenganina a·dokni dakchakgipa skotong minister Pa Dhar, Sohiong -o eleksin ong·ani ja·manba da·odipet MDA-II sorkario maming dingtanganikode nikkuja aro bakrimani namen kim·kim ong·aienga ine aganangskaaha.

Pa Dhar-ni aganani gita, iarang pilakan eleksinna mangmang manderangni mikkango aganprakatanisan ong·aia aro eleksinni somoio agananggipa pilak kattarangde uanon bon·aia ine parakataha.

Sohiong eleksinni namgipa koborko man·na ka·dongsoengani bidingo sing·on, iani gimin aganna gitaba eleksinni result-ko parakataona sengchengna ine Pa Dhar aganchakangenba, NPP dolba uamangan cheenga ine a·kangna man·aia aro UDP -ba apsankon a·kangnade man·aia ineba dakchakgipa skotong minister agandapataha.

Iakoba poraie nina man·gen: Tura-ni director Jenifer Datta Areng-ko Cannes Film Festival-ona okamatenga