Shillong, May 2: Meghalaya Games-ko a·bachengatengon, kal·susaanio bak ra·na re·bagiparangna tarisogipa tuchak bamchakani obostarang namgijanina darangkoba jaksi ote matnangja ine Skotong Minister Pa Conrad K Sangma aganaha.
Meghalaya a·dokko man·chengaoni da·o bilsi 50-ni gapaonan indaka a·dok gimikni kal·susaaniko soka chakani chang 4-san ong·kuaienga. Pilak tarisoanirango tiktak gita ong·gijanikoba da·alon skie ra·na chol ong·aha. Beben indaka obostasrangonade sokatna nangjachim. Meghalaya State Olympic Association (MSOA) aro Sports Department ianonikoba skie ra·chongmotgnok ine anga ka·donga ine Pa Sangma aganaha.
Da·alo soka chakanio chu·sokgipa ong·gijanina darangkoba matnangani somoi ong·jajok batesa kal·susaaniko nambata gadangona ra·dona kam ka·anisajok. Ia obostao bakrime kam ka·e namatna dakchakanina Meghalaya Sports Olympic Association aro kal·susaaniko bak ra·gipa sakantikon mitela. Kal·susaani name chu·sokchina nama skaniko on·a ineba Pa Sangma agandapaha.
