Dibrugarh, Nov 30: Sonibar salo, Dibrugarh-ni social worker ba songsalni namgnina kamko ka•gipa, Sudhir Kejriwal, an•tangni demechikgipani biani salko maniani bak gita jora 21-na jinma bia ka•aniko Vedic dakbewal-o Shree Agrasen Milan Mandir-o ong•atangaha.
Ia jinma bia ka•aniko, Dibrugarh-ni Mayor, Dr. Saikat Patra, Ganesh miteni bimang mikkango chakki soe a•bachengataha.
Sudhir Kejriwal, ia jinma bia ka•aniko ong•atna man•e kusi ong•aniko parakatengon, re•anggipa bilsio uni demechikgipani biani salko tik ka•ani somoio ia jinma bia ka•aniko ong•atani gimin uni gisiko nabaaha inenba parakataha.
Bang•a manderangan biao nangana batpile tangka paisarangko koros ka•e galronga, iani gisepon tangka paisani gita neng•nikanirangko man•gipa manderang kusi ong•e bia ka•na gita man•rongpaja, ia salni bako ua jinma bia ka•anio dongpana man•e namen kusi ong•beaha, inenba Kejriwal u•iatangaha.
Songsalni namgnina kamko ka•gipa North Assam committee-ni Dharm Jagran Samanvay, ia jora 21 adivasi-rangko bia ka•e on•angaha.
Mass marriage ba jinma bia ka•atgipani coordinator, Rachana Jain, Dibrugarh-o ian skanggipa changna pagipa an•tangni demechikgipani biani salko maniani bak gita jora 21-na jinma bia ka•aniko ong•atangaha ine aganangaha.
Dharm Jagran Samanvay North Assam Province-ni padot, Yogesh Shastri, tangka paisani gita neng•nikanirangko man•enggipa bang•a chadamberang, mongsongbate tribal jatrang bia ka•gija jikse ra•e donggiparang gnang ine aganangaha.
Uamangni bia ka•aniko niamni gita ra•chakkuja dipet, uamangko songsalni gita, toromni gita bebe ra•anio aro olakichakram biaprangoba a•pal gala ba watchanggalanirangko man•ronga. Uni gimin iandakgipa jinma bia ka•e on•aniara uamangni jikse ong•aniko niamni gita matchotatna dakchaka. Dharm Jagran Samanvay North Assam Province-ni gita bilsi 5-ni gisepo sak 17,000 jorarangko bia ka•e on•angaha, inenba ua parakataha. Ia jinma bia ka•atanio dingtang dingtang dolni dal•dalgipa manderangba dongpae bakko ra•angpaaha.
Na·simang ia video-koba nina man·gen:
Na·simang iakoba poraina man·gen: Union Minister Annapurna Devi, Ri-Bhoi-o me•chik dolrangna aro bi•sarangna chu•sokatgimin kamrangko nirokea
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
