Shillong, April 19: Meghalaya a•dokni sorkarini kamna rakkiani bidingo ru•utgijan roster systemko ra•gatangna sienga ine dakchakgipa skotong minister kobor ra•timgiparangna aganaha. Uni aganani gitade, chief secretary aro chubatgipa officerang iani gimin kam ka•engaha ineba aganaha. Meghalaya high courtni ge•etgimino pangchake kamrangko ka•chakatgnok. Iarangni gimin kobor ra•timgiparangni sing•ana aganchakengon, “Bilsi sotbongani gisepo ong•giminrangni giminde janapnabe, a•dok sorkari iarangni gimin aroba sima-arini neng•nikanirangni giminba kamrangko ka•enga. Pilakkon nigrike kam ka•nasa chanchirimna nangengjok” in•e minister aganaha. Lekka-pancharang taria matchotjokode, ua tarigiminko bon•kame nipiltaina high courtona affidavit ka•giminko pakwatgnok ineba ua agandapaha.