Shillong, Mar 5: MLA-rangko constituency-tangtangni manderangsa seokahani gimin sorkariko rikanio bakrimanide MLA-rangni aro manderangni skaniosa ong·aia ine National People’s Party (NPP)-ni national president Conrad K Sangma a·kangataha.
Sangma-ni parakatani gitade, MLA-rangko constituency-tangtangni manderangsa seokahani gimin ian manderangni nangnikaniko mesokanisa ong·a aro sorkariko rikanio badia dolna chakpaaniko on·gen uade MLA-rangni aro manderangni skani gitasa ong·aigen.
Khasi aro Jaintia Hills jolrango, dingtang dingtang dolrangni Khasi-Jaintia chief minister-ko dabie, Khasi-Jaintia dolrangko sorkari rikchina dabitokengani gimin Sangma, ia kattarangko aganaha.
Sorkariko rikna gita NPP baksa bakrimanio jak dongja ine HSPDP-ni seatgipa chittini gimin janapatskaengon, sorkariko rikanio NPP baksa HSPDP-ni legislature party-sa bakrimenga aro HSPDP-ni MLA sakgnian, NPP-na chakpaaniko on·e Sukrobar attamo soi ka·aha ine Sangma parakataha.
A·dokni gital sorkari, re·baenggipa March-ni 7 tariko, Governor-ni noko ku·mikchetgen aro ku·mikchetanio a·songni Prime Minister Narendra Modi baksana Union Home Minister Amit Shah-ba dongpagen ineba Sangma parakataha.
NPP-ni sak 26 MLA-rang baksana BJP-ni sak 2, HSPDP-ni sak 2 aro Independent MLA sakgni bakrime gimik sak 32 MLA-rang, gital sorkariko rikenga ineba NPP-ni national president parakataha.
