Imphal, Apr 15: India Ma·mong Sorkarini pilakna skang mongsongbate ra·enggipara Manipur a·doko tom·tomaniko ong·atpilna aro uano pilak jatrangni ku·cholsan ong·aniko man·pilna ong·a ine Home Minister Amit Shah Sombar salo aganaha.
Amit Shah, Imphalni Hapta Kangjeibung Palace compoundo ong·atgipa election rallyo aganprakengon, ia changni electionde Manipuro nangrimgrikaniko ra·bapilna aro a·doko dingtang dingtang ong·atgipa bilrangko warachakna gita ong·a ine aganaha.
“Manipurko bak dakako chinga jedakeba ong·na on·jawa. Re·anggipa bilsini May 3 tarikoni intal jatsa jatgipin baksa golmal ong·na a·bachengaonin Kuki-Zomi dolni sak 10 tribal MLArang aro dingtang dingtang dolrangba Manipuro sason ka·aniko tribal manderangna dingtang ma·eke donchina dabienga. Uko dabianio Indigenous Tribal Leaders’ Forum aro Kuki Inpi Manipur (KIM) dolrangba dongpaa,” Amit Shah aganaha.
Uni aganani gitade Prime Minister Modi, Manipur aro India a·songko ra·doengasan ong·ja, indiba Manipur aro India a·songko chel·chakeba rakkienga. “Lok Sabhani damgni seatrango BJP aro uni dolni manderangko na·simangni seokon a·dokni manderang sana chakenga uko India a·song gimikni manderang u·ignok” ine ua agankuaha.
Na·simang ia video-koba nina man·gen:
Na·simang iakoba poraina man·gen: Maming jajaa, kena aro jingjengatani gri Assam-o ‘Bohag Bihu’-ko manina man•anian, tom•tomani cheani: Sarbananda Sonowal
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
