Shillong, Aug 18: Meghalaya aro Assam a•dokni simarango meligrikna man•jaenggipa biaprangko namatna kam ka•anio ia a•dok damgnini regional committee-rang, ia biaprangko re•ange nieani somoio Meghalaya a•doko ong•na skaniko ku•rang on•china didina gita Sukrobar salo KHADC-ni Executive Committee, ia so•sojengjeng ong•enggipa dambonga jolni dilgiparang baksa border committee-ni tom•aniko ong•atangaha.
Ia dambonga biaprangara, Hima Mylliem-ni Desh Domreah, Hima Sohiong aro Hima Jirang-ni Ka Nongwah Mawtamur, Hima Nongspung aro Nongkhlaw-ni Borduar, Hima Nongmynwaw-ni Langpih aro Hima Khyrim-ni ning•o donggipa Raid Nongtung-ni Block II jolrang ong•a.
Tom•a matchotani ja•man, kobor ra•timgipa manderang baksa agangrikengon, Meghalaya aro Assam a•dok damgnini regional committee-rang, ia songrangona re•angani somoio, ia jolrango songdongenggipa manderang, Meghalaya a•dok ning•o ong•na skaniko parakchina uamang nangnikenga ine KHADC-ni Deputy CEM PN Syiem parakataha.
Ia tom•anio bak ra•gipa bang•bata dilgiparangan, Meghalaya a•dok ning•o ong•na skaniko paraktokaha ineba Syiem parakataha.
Iakoba poraie nina man·gen: South East Asian a•songrang baksa bading chiwalgrikani cholko sandina M’laya CM tom•e chanchirima
WATCH:
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
