Shillong, Sep 19: Election department-ni kamko ka•enggipa booth level officer (BLO) saksako, tol•e cha•gipa ine Whatsapp social media-o watpripraahani gimin ia nokdangni kosako South Shillong constituency-ni BLO-rang FIR ka•doangaha.
Ia BLO-ni kobor ra•timgipa manderangna parakatani gitade, Election Commission of India (ECI)-ni ge•etaniko man•enba ua, nokantiona re•roroe manderangni lekkarangko chimongengachim indiba nokdang ge•saona re•angon, ia nokni me•chik saksa, an•tangni segipako SP office-o kam ka•gipa ine a•kangenba, uko an•tangni mobile phone-chi photo ka•e ra•aha.
Iani ja•mano, ia me•chikni segipa, ia BLO-ko tol•e cha•gipa ine matnangenba, uni photo baksa Whatsapp gita watpriprana a•bachengaha.
Iandake uni noksako social media-o watpripraenga ine koborko man•soani ja•man ia BLO, uni noksako social media-o watpripraatgipa nokdangni kosako SP office-o FIR ka•na tik ka•angaha.
