Shillong, April 5: Meghalaya a·doko SSA skigiparang ja 5-ni dormaharangko man·kugija dongengon, a·dok sorkari tangka gong kror 60-ko jakkale jagniko on·a ku·rachakaha aro ma·mong sorkari tangka gong kror 68-ko jagnina on·ataha. Chu·gimik jabrini dormaharangko man·gnok ine Education Minister Pa Lahkmen Rymbui parakataha.
Kobor ra·timgiparangna aganengon, March 29 tarikon a·dok sorkarini gita jagnini dormahako watatman·aha aro pilak dakna nanganiko State Education Mission Authority of Meghalaya (SEMAM) dakmane dingtang dingtang District-ona wataha ineba Education Minister Pa Lahkmen Rymbui aganaha.
