Shillong, March 24: Bilsi 2022 MBOSE-ni SSLC porika March 24-oni a⋅bachenge April 6 tariko matchotegen. Ia bilsini SSLC porikako komigija chatro chatri sak hajal 58-mangni gita seenga. Unoni Regular-1-o sak hajal 25,486 aro Regular 2-o sak 15,061 ong’skaenga.
Sak hajal 11,337 Non-Regular, sak hajal 6,348 compartmental, sak 385 private aro sak 9 improvement-ko seangsakgen. Ia bilsini porika seanio me⋅chikrang sak hajal 33,278 aro me⋅asarang hajal 25,347 ong⋅e, me⋅chik porika segiparangan batenga. Porika sechakna Shillong centre-o dam 87 aro Tura Region centre-o dam 65 biaprango porika sechakanggen.
