Tura, Mar 8: St. Xavier’s Secondary School Tura, uamangni school-ko a•bachengataoni bilsi 75 gapaniko Sonibar salo dal•bee maniangaha.
Ia manianio gitcham chatro chatrirang, sister-rang, skigiparang aro missionary-rang re•bae bak ra•angaha.
Ia tom•anio Tura Lok Sabha-ni MP Saleng A. Sangma mongsonggipa sokgipa ong•e bak ra•angaha aro jinmana aganprakengon, songsalna aro re•baenggipa chasongrangna didianiko on•anio ia school-ni gamchatgipa on•gilpaaniko on•ahanina de•mitele aganangaha.
St Xavier’s Secondary School-ni Garo section-ko 1950 bilsio, Mother Maria Camino Sanz Orrio sagi oprake on•aha aro 1959 bilsio English section-ko bikotdapaha. Ia batanggimin bilsi 70 mangna, Garo Hills a•jani chatro chatrirangni lekka porako skie ra•anio tang•doatna aro a•jani namroro silroroanina ia school-an mongsong ong•e kam ka•baaha. Ia school-onin, dingtang dingtang gadango jekai civil servants, politician, badingchiwalanio, toromko dilanio aro songsalna dangdike on•gipa manderangko ong•katataha jean da•alona kingking songsalni namgnina on•kange dangdike on•kuenga.
Garo Hills a•jani manderangna mongsongbate Tura-na, St. Xavier’s-ara school mang•mangsan ong•aijaha indiba lekka pora skianiko on•an baksana bil gnangatna dakchakgipaba ong•aha. Ia school, a•jao gitchambatgipa school ong•genchimoba Tura-ko dingtangatna gita mongsonggipa bakko ra•e kam ka•baaha.
Ia school-an Missionaries of Christ Jesus-ni Congregation-ni mission-na kam ka•anio skanggipa ong•a aro India a•songoni Sister ong•atchengna man•gipa ong•a chong•motan, Sr. Margaret M. Sangma-ko skanggipa sister ong•ataha ine nikna man•a.
St. Xavier’s School-an a•jao English-medium school-ko bikotchenggipa ong•a aro chatro chatrirangni lekka pora skianiko ra•anio tang•doatna krenge kam ka•gipaba ong•a aro uasan ong•aigija jat basee mikkang nitegija saksa sakgipin baksa nangrime janggi tangani bidingoba ia school-an skie on•anikoba dakaha.
Indake ia tom•anio gitcham chatro chatrirangba uamangni mande ong•anio ia school-an mongsonggipa bakko ra•e kam ka•ahanina aro uamangko iandakgipa gadangona sokatahanina mitelpilskaaniko dakangaha.
Iarangna agreba, jatni daka rikanirangko dakmesokaniko dakangan baksa school-ni anthem-koba ring•angaha.
Na·simang ia video-koba nina man·gen:
Na·simang iakoba poraina man·gen: Sakgittam manderangni silai goanichi sak chigni manderang saknaako man·a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
