Tura, Dec 12: Kal·susaani a·bao mikkangchi namroro-silroroaniko ra·bana gita, Meghalaya State Olympic Association (MSOA) baksana Department of Sports and Youth Affairs nangrime, Sombar salo, Tura songjinmao State Talent Identification Programme-ko ong·ataha, jeon a·dokni skotong minister Pa Conrad K Sangma aro dingtang dingtang officialrang bakko ra·angaha.
Through the Talent Identification Program many promising athletes are bring screened who will be trained and mentored to represent Meghalaya in sporting events.
We are witnessing many skilled athletes from the Garo Hills region. Happy to give them the platform pic.twitter.com/eW3NMkVgMd
— Conrad Sangma (@SangmaConrad) December 12, 2022
A·jao iandakgipa programko ong·ataniara, chonaoni kal·susana gisiko nanggipa bi·sarangko sandieming mikkangchi ong·gnigipa dingtang dingtang kal·susaatanirango bakko ra·atna man·na gita uamangko tarisona miksongani ong·a.
Programo bakko ra·e jinmana aganangengon, kal·susaani a·bao gisiko nanggipa a·jani bi·sarangko re·baenggipa 2032 bilsio Australia-ni Brisbane-o ong·atnasienggipa Olympic Games-o bakko ra·atna gita dingtang dingtang dake skie on·anirangchi bi·sarangko tarisona gita a·dok sorkari iandakgipa programko ong·atenga ine skotong minister Pa Conrad K Sangma parakataha.
