24.3 C
Tura
spot_img

Swachh Bharat Grameen-ni gnigipa bakna M’laya sorkari resolution-ko pass ka•a

Must read

Shillong, Jan 14: Swachh Bharat Mission Grameen (SBMG) program-ni gnigipa bakko a•bachengatna gita Bristibar salo Meghalaya Cabinet, resolution-ko pass ka•angaha.
“SBMG-ni gnigipa bakko a•bachengatna gita a•dokni Cabinet resolution-ko pass ka•enba, ia program-ko somoi gita a•bachengatna tik ka•angaha,” ine Cabinet tom•a matchotani ja•mano a•dokni Cabinet minister James K Sangma parakataha.

SBMG-ni gnigipa bakko ra•gatna aro nirokna gita dingtang dingtang niamrangko chu•sokatahaon a•dokrang tangka paisarangko watna man•gnok ineba Sangma parakataha.

“Gittamgipao a•dok sorkari, SBMG-ni dingtang dingtang bakrangna tangka paisarangko chame on•na aro project implementation baksana bilsini program-na tarisamsoanirangko namdapatna gita tangka paisarangko Gram Panchayat-na pakwate on•skana gitaba tik ka•angaha,” ine Sangma parakataha.

Cabinet minister-ni u•iatani gitade, panchayat donggijagipa songrangode Village Water & Sanitation committee-rangko songenba ia kamrangko ka•na gita pakwate on•skaronga.

“Iani bidingo Cabinet chanchirimangaha aro an•chingo Gram Panchayat-rang dongjani gimin SBMG-ni skanggipa bako daka gitan, Village Water & Sanitation Committee-rangko songskaenba SBMG-ni project-rangko ia committee-rangchi kamko ka•na tik ka•e donangaha,” ine Minister parakataha.

SBM (G)-ni gnigipa bakko mission mode-o 2020-21 bilsioni 2024-25 bilsiona gong kror 1,40,881 tangkarangko chame a•songo ra•gatanggen.

Ia program-ko dongimin niamrango pangchake a•dokrang aro Union Territory-rang jako ra•anggen aro ia niamrangko bakan a•dokrangona sokatgen.
Salgro salaram a•dokrangnade ia program-na ma•mong sorkari baksa tangka paisa sualgrikani 90:10 bewalo ong•gen.

spot_img

More articles

spot_img
-->

Latest article