Shillong, Apr 5: Shillong songjinmani Sweeper’s Colony-ko Them Iew Mawlong-oniko apjitani bidingo chanchirimna gita a•dok sorkari, mikkang antio Harijan Panchayat Committee (HPC)-ko okamna tik ka•angaha.

Iani bidingo kobor ra•timgiparangna talataniko on•angengon, Meghalaya High Court-o mol•molaniko dake, sorkari baksa agangrikna skaniko mesokahani gimin sorkari, mikkang antio HPC-ni dilgiparangko okamatna tik ka•angaha ine a•dokni Deputy Chief Minister Prestone Tynsong parakataha.

Sweeper’s Colony-ko apjitangna sienggipa gital biapni bidingo janapatskaengon, iani bidingo kamko ka•na gita sorkari, High Level Committee-ko songe donmanaha aro ia committee-sa nangani kri kamrangko ka•anggen ine Tynsong parakataha.