Jowai, Sept 01: Jowai-oni nangrimgimin songni nokmarang (Waheh Chnong) ba Synjuk Waheh Chnong Jowai (SWCJ), uamangni padot Pa Alan Niangty aro secretary Pa Riquoma Laloo-maangni dilanichi, Jowai-ni Panaliar-o kulidaldalgipa 100 Bedded MCH Hospital-ko Sukrobar salo nirokangaha.

Hospital-ko nirokanganio uamang, Hospital-ni Medical Superintendent, Dr. Ebenezer War aro gipin doctorrangkoba gronge uamang baksa agangrikangjolaha.

Uamangko grongani ja·man, Pa Niangty koborna aganangengon, hospital-o sana-bananiko aro nirok-simsakanirangko on·anio chu·ongbrejaengani bidingo manderangni apoti ka·anirangko man·soani giminsa uamang hospital-ona re·baenba nirokaniko dakataha aro Medical Superintendent an·tangba iani bidingo mongsongbate, hostpital-o Staff Nurse aro Grade IV -o kamko ka·enggipa mande chu·ongjaenganiko ku·rachakaha ine parakataha.

Synjuk Waheh Chnong-ni secretary, Pa Riquoma, hospital-o Bio Chemical Engineer-rangko gong·raken nangengani gimin u·iatangan baksa, Hospital-o sagiparangna dangdike on·na gita Staff nurse aro Grade IV-o kamko ka·gipa manderangko nangdapengani giminba ua u·iatangjolaha.

Indake ong·engon, East aro West Jaintia Hills a·ja damgnina dakchakaniko on·enggipa MCH hospital-o nangdapanirang aro chu·onggijanirangko nirokatchina gita sorkarina u·iatgen ineba Synjuk, koborna parakatjolaha.

Iakoba poraie nina man·gen: PA Sangma-ni gunrangko ja•rike uni mingnamaniko rakkiangkuchina Conrad didia

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub