Tura, May 16: Ta•makkuko jakkalani namgijani bidingo manderangna mikrakatanirangko on•na gita Mongolbar salo, Tura-o donggipa Garo Union Higher Secondary School-ni chatro chatrirang, jinma re•jomaniko ong•atangaha.

Ia re•jomaniko Matchakolgre-oni a•bachengataha aro Araimile, New Tura aro Nazing Bazar gita re•jomange, Garo Union HS School campus-o matchotataha.

Ia re•jomanio class 7-oni class 10-ona poraienggipa chatro chatrirang bak ra•angaha aro jinma re•jomaniko ong•atan baksana signature campaign-koba dakangaha.

Ia re•jomaniko ong•atani bidingo Garo Union Higher Secondary School-ni Stanley, Hub News-na talataniko on•angengon, ta•makku jakkalani namgijaniko jolo songdongenggipa manderangna aro skulo poraienggipa chatro chatrirangnaba mikrakataniko on•na ia re•jomaniko ong•ataha ine parakataha.

Iakoba poraie nina man·gen: Jaiaw Presbyterian HS School-ni bilsi 100 gapaniko manianio CM bak ra•a