Shillong, Sep 20: Tangka dabiani lekka man•gipa manderangoniko tangka giltime on•anina bame on•gimin Hynniewtrep National Liberation Council (HNLC) bobil dolni mande saksako Bristibar walo police-rang rim•aha.
Rim•a man•gipa mandeara bilsi 41 ong•gipa Sromwell Mawdoh ong•a aro police-rang uko, Umpling Dongsharum-o donggipa uni nokoniko rim•eaha.
Police-rangni u•iatani gitade, rim•ako man•gipa Mawdoh, adita bilsirangna skangsan, Nongthymmai KSU-ni gitcham dilgipa Frederick Kharmawphlang baksa East Khasi Hills a•jani police-rangna bame on•eahachim indiba da•o ua HNLC bobil dolna, tangkarangko gile on•timskaengachim.
Shillong-o bading chiwale cha•enggipa manderangna tangka dabiani lekkarangko on•ahani gimin police-rang, HNLC bobil dolni kosako mokordomakoba ka•aha.
Na·simang ia video-koba nina man·gen:
Na·simang iakoba poraina man·gen: Ia anti Sonibar salo Najing Bazar-ko chipgen
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
