Shillong, Mar 19: Power Minister Abu Taher Mondal, Meghalaya Energy Corporation Limited (MeCL)-o kamna rakkianiko, tangka paisani gita aro gipin kamrango neng·nikaniko man·engani gimin dondikatkuenga ine Budbar salo parakataha.
Federation of Khasi Jaintia and Garo People (FKJGP) baksa tom·e chanchirimani ja·man, MeCL ning·o bangbang ong·e dongenggipa biaprango gapatna advertisement-ko on·manahaoba, da·o dipet kamo rakkina man·kujaenga, indake ong·genchimoba tangka paisani gita neng·nikanirang ritchengangahaon, ia biaprango rakkianggen ine Mondal parakataha.
Ia department-ni ning·o vacant post-rangni gimin janapengon, field engineer-ni ge 64, electrical aro mechanical-na ge 57, civil-na ge 10 aro field supervisor-na ge 64 vacant post-rangna advertisement-ko on·manaha ine janapatan baksa, department-o tangka paisani gita neng·nikanirang ritchengahaon ia bangbang gipa post-rango gapatgen ineba Mondal janapataha.
A·doko bijoliko nambate on·a man·a gita jinmaan apsan nangrime kam ka·na nanggen ineba ua ku·mongataha.
Na·simang ia video-koba nina man·gen:
Na·simang iakoba poraina man·gen: Meghalaya sorkari, 2027 National Games-na skang Disability Sports Complex-ko rikna ma·mongni ra·chakaniko bi·a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
