Shillong, Dec 28: Meghalaya a•doko Tata Motors-ni customer-rangna, garirangko altuae brena cholrangko on•na gita India sorkari, Meghalaya sorkari aro State Bank of India (SBI)-ni nangrime chalaienggipa Meghalaya Rural Bank baksa bilsi bongana Memorandum of Understanding (MoU)-o soi ka•grikangaha.
Meghalaya a•dok gimikon Tata Motors-ni small commercial vehicle (SCV)-rangko man•engani gimin Meghalaya Rural Bank baksa soi ka•grikaniara, Tata Motors-ni SCV-rangko brena sikenggipa manderangna tangka paisani gita dakchakanirangko on•na man•gnok.
Meghalaya a•doko Meghalaya Rural Bank-ni dam 90-na baten branch-rang dongani gimin ia branch-rang gita manderangna Tata Motors-ni SCV-rangko brena dakchakanirangko on•na man•gnok.
Tata Motors baksa bilsi bongana MoU-o soi ka•grikani bidingo Meghalaya Rural Bank-ni Chairperson Tshering Diki janapatengon, Tata Motors baksa bakrimanichi Meghalaya a•doko songdongenggipa manderangni nangnikanirangko chu•sokate on•na kusi ong•bea ine parakataha.
Iani bidingo Tata Motors Commercial Vehicle Business-ni ning•o donggipa Sales & Marketing-ni Vice President Rajesh Kaul-ba an•tangni kusi ong•aniko parakatengon, tangka paisarangko altue chotpilani cholrangchi Tata Motors-ni dingtang dingtang rokomni garirangko manderangona ra•bana gita Meghalaya Rural Bank baksa bakrimna kusi ong•bea ine parakataha.
