Shillong, May 19: Saksa Khasi driver-ko re·anggipa Bristibar attamo Khyndailad (Police Bazar)o mainiba a·sel doke-sate donanggipa dolsa gipin jatrangko rim·china gita Taxi drivers association, a·dok police-na konta 24 somoirangko on·ataha.
Koborko on·ani gitade, Mawpdang-oni saksa local taxi sale cha·gipa Bashai Syiem-ko, adita sak gipin jat Sikh manderangni doke-sate donaganichi skoo adita jokkom ong·ahani gimin Shillong-ni Civil Hospital-ona ra·ange sana-bananiko dakatenga.
Ia obosta ong·ani ja·man, dos dakgipa gipin jatrangko a·dokni police-rang rim·kujana kingking Kyndailad-o gipin jatrangni ga·napeaniko champengatna gita Taxi Drivers Association ka·mikkenataniko on·angahachim.
Indake ong·engon, a·dok police-na konta 24 somoiko on·ani ja·man tapan Bashai Syiem-ko doke donanggipa sakbonga dos dakgiparangko police-rangni rim·ahani gimin East Khasi Hills Taxi Drivers Association, uamangni jingjengataniko Sukrobar salo ra·galatpilaha.
