Williamnagar, Oct 19: East Garo Hills a•jani District Tuberculosis Office, Tuberculosis (TB) sabisiko bon•atna miksonganio, East aro North Garo Hills a•jarangni private health sector-ni ning•o kam ka•enggiparangna salsaniko program-ko Sukrobar salo ong•atangaha. Ia tom•anio TB sabisini bidingo mikrakataniko on•a ‘Do You Know’ Campaign-koba a•bachengate on•angjolaha.
Ia tom•anio, World Health Organisation-ni Consultant, Dr. Diganta Thakuria, TB sabisiba gipin batrikrikgipa sabisirangoni kenbegnigipa sabisi ong•ani gimin a•jao saoba ia sabisini biatirangko man•genchimode District Tuberculosis Centre-o re•ange koborko on•a nanga aro iani bidingo Mother app-o update ka•na nanga ine aganaha.
District Drug Inspector, David F. Rapseng-ba, 90% mangni gita TB sabisiko gimaatani Schedule H1 samrangko name ringani bidingo talate on•angan baksa, ia samrangko ringanio salsamang watchangman•ahaon TB sabisi a•bachengtaigen aro Drugs and Cosmetics Act 1940-o ra•gatgimin niamrango pangchake raka ja•kuko de•na man•a ine mikrakataniko on•angjolaha.
District Program Coordinator, Sengchrang Marak-ba, Meghalaya-ni National Health Mission-ni gita TB sabisiko man•gipa manderangni bimungko segatani chol, sabisiko man•gipa manderangko am•sandina man•gipa aro sorkarini ong•gijagipa clinic-rango sanenggipa manderangko am•sandigipa app chong•motan Mother App-ni bidingo talate on•angskaaha.
Ia tom•anio, TB sabisini gimin u•iataniko on•a miksonge ‘Do You Know’ Campaign -ko a•bachengatengon, District TB Officer, Dr. Chrissie Pearly M. Sangma, ia campaign-ni gita TB sabisiko man•e saenggipa, ia sabisiko champengsoani cholrang aro indin sanna bannani bidingo u•iataniko on•gen ine aganaha.
Una agreba, ia program-ko ong•atenganiara TB sabisiko bon•atna miksonge ong•atengani ong•a ine District Medical & Health Officer, Dr. Cruzie Elmina N. Sangma jinmana parakataha.
Deputy Commissioner, Vibhor Aggarwal, IAS, iandake TB sabisiko bon•atna miksonge ‘Do You Know’ Campaign-ko a•bachengatahani gimin District TB Office-ko mitelpilskaaniko dakangaha.
Na·simang ia video-koba nina man·gen:
Na·simang iakoba poraina man·gen: Online badinganio cha•bokgipa manderangni kosako ming6 FIR-rangko CBI segata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
