Guwahati, April 1: Energy and Resource Institute (TERI)-ni Director General, Dr. Vibha Dhawan, jolo man·gipa mia misirangko ripingna nangchongmotani, a·arangko namdapatani baksana pangkamgipa gama ge·anirangko ra·dona nangchongmotani gimin Assam-ni Udalguri-o ong·atgipa consultant program-o aganangaha. Buringo donggipa janggi gnanggipa pilak sambolrang aro matburingrangko chel·chakan baksana mande aro mongmarangni gisepo tom·tom ong·aniko ra·dona miksonganio, UNDP-GEF project-ni bak gita Aaranyak ia program-ko ong·atangaha.
Jaikhlong Community Nursery-o ong·atgipa ia tom·bimonganio, jolo songdongenggipa manderangko bak ra·atpaenba, uamangna pangkamgipa gama ge·ani bidingo skie on·anirangko dakangaha. Dr. Dhawan, bi·sarangna library-ko kulie on·angan baksana jolo songdonggipa manderangko be·enna namgipa aro sabisi grigipa sam-bolrangko ge·na jotton ka·enganina rasong on·e aganangaha.
Sorkarini dakchakani baksana agrobiodiversity-ara mikka bitchi tipchangani, sal ding·krakani aro mikkarang dondikpilgija waarangni somoio dakchakaniko on·achim uni gimin chanchirimanio, u·i-ma·sigiparang aro official-rangko man·chape sak 70-na batpile manderang bak ra·angpaaha. Aaranyak-ni kamrangna, UNDP & TERI SGP Best Innovation Award-ko on·e mande ra·aniko dakangaha.
Ia tom·bimonganio, songni dilgiparang, Self-Help group-rangni member-rang, Joint Forest Management Committee-ni watata man·giparang baksana agriculture officer-rangba bakko ra·angpaaha. Aaranyak-ni Dr. Partha Jyoti Das, rimchaksoani kattarangko agansoaha aro UNDP-GEF SGP-ni dilgipa Jayanta Kumar Pathak, uamangni organisation-ni gita sam-bolrangko ripingani aro gama ge·anirangko namdapatna kamrangko ka·ani bidingo talate on·angaha.
Na·simang ia video-koba nina man·gen:
Na·simang iakoba poraina man·gen: Atlanta D Shira, Jaipur-o ong·atgipa National Physique Championship title-ko chea
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
