New Delhi, June 3: 2011 bilsioni hisape Teachers Eligibility Test (TET) qualifying certificate-ni validity-ko bilsi 7-oni janggi tanga gimikna ra•doatna ma•mong sorkari tik ka•angaha ine Union Education Minister Ramesh Pokhriyal ‘Nishank’ parakataha.
Je candidate-rangni TET certificate-rangan bilsi 7 batahachim, uandakgipa candidate-rangna gital TET certificate-rangko on•taina gita a•dok sorkarirang aro union territory-rang ja•ku de•anggen ineba ua parakataha.
Pokhriyal-ni parakatani gitade, TET certificate-ni validity-ko baridapatanichi skie on•ani kamrangko ka•na sikenggipa candidate-rangna janggi tangani cholrangko on•na dakchakgen.
Ia TET-ara skulrango skigipani kamna mingsa nangchongmotgipa qualification ba poraiani gadang ong•engachim.
2011 bilsini February 11 tariko National Council for Teacher Education (NCTE)-ni dongimin niam gitade, TET-ko a•dok sorkarirang ong•atna nanga aro TET certificate-ni validity ba choligni somoiara TET-ko pass ka•aoni bilsi 7-na ong•achim.
