Williamnagar, Mar 14: March 14 tarik-o Williamnagar ni DRDA Hall No. 1-o Williamnagar songjinmani Indane Gas palgiparang gitalgipa Gas Cylinder jekon The New Indane Composite Cylinder ine bimung donahachim uko Assam-oni re⋅bagipa Indian Oil Corporation Limited ni Senior Sales Manager Ma. Dorothy Das-ni dongpaanio, East Garo Hills ni Deputy Commissioner Pa. Swapnil Tembe ni jakchi oprake on⋅ataha. Tom⋅anio Ma. Dorothy Das ia gitalgipa gas cylinderni namgnini gimin talate on⋅aha jekon Williamnagar Soil Bazar-ni, Jim Flame Gas Agency ni Manager Pa Nathan Momin tombagiparangna A•chikku chi pe•e on⋅skaha.

Tom⋅anmio mongsonggipa sokgipa ong⋅e aganengon, East Garo Hills ni Deputy Commissioner, ia gitalgipa gas cylinder-ko Williamnagaro a•bachengate on⋅anina mitelengon, manderangkoba bol wa•a ni pal gas cylinder ko song•na channa jakkale a•gilsakni ding•bombaaniko komiatna jaku de⋅china didiangaha. Pa Tembe, A⋅chikku ko name man•jagenchimoba tom⋅anio donggipa manderangna talbate u•iatna gita A⋅chikku ko aganangaha. Ia tom⋅anio mitelpilani kattarangko Shira Indane Gramin Vitrak-ni nokgipa Andy Marak aganaha.

Tom⋅a matchotani jaman, Jim Flame Gas Agency ni Manager ia gitalgipa cylinder rangni gimin dingtangmancha Hub News na talataniko on⋅angaha.