New Delhi, Oct 22: Sukrobar salo, Trinamool Congress (TMC)-ni MP Sushmita Dev baksana TMC-na kam ka•enggipa manderang aro I-PAC-o kam ka•enggiparang, Tripura-o TMC program-na gario campaign ka•engmiting somoio badiaba dolni manderang, uni gariko chadrape nosto ka•aha aro Amtali jolo chadrapako man•e saknaanirangko man•na nangaha ine TMC-ni membor-rang a•kangataha.Tripura-o TMC-ni kamrangko Sushmita Dev nirokengachim aro uko chadrapanina TMC-ni membor-rang, BJP-ko matnangataha.

Koborko on•ani gitade, chadrapako man•ani ja•man Dev-ko sanna gita private hospital-ona rimangaha.

Iani bidingo All India Trinamool Congress (AITC), Tripura a•dokni CM Biplab Kumar Deb-koba matnange social media-o seataha.“Maini gimin Union Home Minister Amit Shah, jrip dongenga? Tripura a•doko songdongenggipa manderangna sawa naljokaniko on•gen?” ine AITC sing•doangaha.

Ia a•sel ong•aniko West Bengal-ni chief minister Mamata Banerjee-ni gritang aro TMC-ni dilgipa Abhishek Banerjee-ba raken jegalataha aro ia a•sel ong•anina BJP-ko matnangataha.