Tura, May 14: Tol·gipa gari lekkarangko tarie on·ani bidingo Assam a·dokni police-rang, East Garo Hills a·jani District Transport Officer (DTO)-ko rim·aha.

Goalpara-ni SP Rakesh Reddy-ni u·iatani gitade, Gulam Ali minggipa mandeoniko baditaba king tol·e tarigipa registration certificate (RC)-rangko man·ani ja·man East Garo Hills a·jani DTO-ko Sonibar walo, uni nokoniko rim·eaha.

Police-rangni dakrongbewal gita ramarango re·ruraenggipa garirangko nirok sandiengmiting somoio Gulam Ali mandeoniko king 4-5 tol·e tarigipa RC-rangko man·ani ja·man police-rang, ia mandeo sing·sandion, ia lekkarangko ua Williamnagar DTO-ni dakchakanichi tarie ra·na man·aha ine ku·rachakaha.

DTO-ko rim·ani ja·man, East Garo Hills a·jao register ka·gipa adita garirangkoba rim·e am·sandion, ia garini engine nombor aro chassis nombor-rangba tol·gipasa ine ma·sina man·aha.

Iakoba poraie nina man·gen: A·songni political-na media-ni on·gilenggipa kamo pangchake, W’nagar-ni Loyola College-o salsani seminar-ko ong·atanga