Shillong, Jan 5: Hynniewtrep National Liberation Council (HNLC) sorkari baksa tom·tomanina re·mikkange golpogrikaoni ong·kataha ine Budbar salo parakataha.

Uamangni dabianirangko chu·sokatna man·jani a·sel sorkari baksa melie golpogrikaoni ong·katna nangaha ine HNLC janapaha. Uamangni mongsonggipa dabianirangkon chu·sokatna man·jaode politiksni gita uamangni dabianirangkode ra·galsranggen ine kenchaksoaniko HNLC aganaha.

Indake ong·engon, uamangni ong·katani bidingo media-o searangkosan niksoenga, sorkarina dingtangmancha u·itanikode man·soa dongkuja, indiba sorkari ia ong·enganiko nikuake dongjaenga ine a·dok sorkarina ku·baltitimgipa Paul Lyngdoh aganaha.

“HNLC dol tom·tomaniona sokna sorkari baksa golpogrikaoni ong·katjachina anga mol·mola, maina dolgnini gisepon meliaona sokbana gita agan-golpogrikgiminrango mongsonggipa kattarangkode ganggopaha.”

Ia ong·enga obostani bidingo ta·raken kam ka·na nangenganiko parake, a·dokni Chief Minister Conrad K Sangma aro Deputy Chief Minister Prestone Tynsong songjinmaona sokbapila tarimean tom·e chanchirimgen ineba Paul Lyngdoh agandapaha.

HNLC-ni manderangni kosako badi ka·giminrangko ra·galpilchina dabiani bidingo dingchiken chanchiani gnang, aro uko chu·sokatna ka·dongsoani gnang ineba ua ku·rachakaniko on·ataha.

Iakoba poraie nina man·gen: Deputy Commissioner office nokni pakmao noksa salgiminko, Tourism Minister Paul Lyndoh oprake on•a

WATCH:

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub