Shillong, Mar 29: Batanggimin 2021 bilsini January jao Union Home Minister Pa Amit Shah-ni Shillongona re⋅baon sorkarini garirang chu⋅ongjae private garirangko bol 400-mangni gita North Eastern Council para gamna ku⋅rachake jakkalchengahachim indiba da⋅alona gari nokgiparang man⋅a nanggni tangka gong lakh 22.80-ko man⋅kujaenga aro uko Meghalaya sorkarini Transport Department-sa ra⋅chipe dongenga ine Disparsing Rani RTI ka⋅e nie rim⋅na man⋅aha.
Da⋅alonaba gong⋅satekba transport department-oni gari nokgiparangna gamkuja aro iani bidingo Commissioner of Transport-o sing⋅sandion, NEC-an tangka watatkuja ine pa⋅sike dongaia. Indiba RTI-o parakani gitade NEC-oni Commissioner of Transport-ona watatman⋅aha ine mesokaha ine Disparsing Rani kobor ra⋅timgiparangna aganaha.
