Tripura, Nov 27: BSF Tripura Frontier-ni chang 60-gipa BSF Raising Day-ko December jani 1 tariko manina manchisoani bak gita excursion tour-ko Agartala ni Kendriya Vidyalaya-ni chatro chatrirang aro skigiparangna Mongolbar salo ong•ataha. Ia excursion-o, Tripura a•jani Sepahijala-ona re•angenba, India-Bangladesh-ni sima ari-rangko re•ange nianiko dakangenba, maikai sipai dolrang a•songni sima ari-ko naljoke rakkianio neng•nikanirangko chagrongna gita nangengachim uni gimin mikrontangchi nike ra•angaha. A•songni sima ari-ko chel•chake rakkianio biap ga•nanggija baksana sinna ding•a ba mikka waani a•sel BSF dolrangni pilak neng•nikanirangko chatro chatrirangna u•iatna miksonganio ia tour-ko ong•atangaha.
Ia tour-ko ong•atanio, skigiparang aro chatro chatrirang, BSF dolrangni salantio dakna nanggni kamrang jekai, sima ari-rangko nitimani, chiring sambajolo donggipa biaprangko nitimani, land port-rangko nitimani, walang salang sima ari-o bari kaduulgipa aro a•song damgnina kagimin sima ari-ko nirokanirangko nie ra•angaha.
Una agreba, chatro chatrirang chasong gitalni silchidarerang, slai gulirang aro BSF dolrangni sima ari-ko chel•chakanio jakkalgipa ostro-rangkoba mesoke on•angaha.
Re•ange nigiparangoni saksa chatrini agananigitade, Ian uni janggi tangao skanggipa changna border-ona re•ange sipai dolrangni janggitangko on•kangani aro uamangni on•gilarangni gimin u•ie ra•na man•ani ong•an baksana uamangko namgipa aro an•tangtangni daitoko ra•e kamrangko ka•gipa songdonggipa manderang ong•na gita didianikoba man•aha ine aganaha.
BSF Tripura Frontier-ni Deputy Commandant, Vikash Kumar Yadav, iandakgipa re•e nike nianiko dakanichi songdongenggipa chadamberangni gisepo an•tangtangni daitorangko jako ra•ani, ka•dongani aro a•songna jatna ka•saaniko gisiko ra•bana dakchakgen ine aganangaha.
Ia songree nianiara, chatro chatrirangna skie ra•ani ong•an baksana chadamberangna namako dakchina didianiba ong•aha. BSF dolrangni kim•kim ong•e a•songko chel•chakanina aro uamangni nama dakbewalrangko nikenba chatro chatrirangni gisiko uamangna mande ra•ani baribataha.
Na·simang ia video-koba nina man·gen:
Na·simang iakoba poraina man·gen: Tura songjinmao skanggipa sky cycling-ko a•bachenga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
