Agartala, Jun 9: Robibar pringo, Bangladesh a·songoni niam gri napsrukbae bading chiwalenggipa manderangoni saksako BSF-ni sipairang, Tripura a·dokni Sepahijala a·jao donggipa Kalamchera Border outpost sambao so·ote galaha.
BSF sipairangni jako so·otako man·gipa mandeara, Bangladesh a·songni Comilla a·jao donggipa Mirpur-oni bilsi 35 ong·gipa Amwar Hussain ong·achim.
BSF-oni koborko on·ani gitade, Robibar pringni 7:30 bajimango BSF-ni sipairang, Kalamchera BOP-o nirok sandianirangko dakengmiting somoio, atterangko ra·bite, India-oniko Bangladesh a·songona ma·manti bosturangko ra·angna jotton ka·engmitingko nikaha. Ia manderangko BSF-ni sipai saksa champengna jotton ka·on, uamang BSF sipaiko chadrappangpilenba, uni silchidareko ra·sekna jotton ka·aha. Ia manderang iandake BSF sipaiko chadrapengmiting somoio BSF sipairangoni saksa, an·tangni ra·bitenggipa INSAS rifle-chi ia manderangko goataha aro uamangoni saksa guli nanga man·enba ua biapon siaha.
Ja·mano BSF-ni sipairang, ia biaponiko bang·bea chinirang, atte pongbri aro bolplengrangko man·aha.
Na·simang ia video-koba nina man·gen:
Na·simang iakoba poraina man·gen: Gital Modi sorkarini Cabinet-o NE-oni MP sak 3 biapko man·gen
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
