Agartala, Dec 22: Kamtangtangoniko ra•gala man•ahani gimin batanggimin sal 63-na Agartala songjinmao okumu chake jingengatenggipa sak 10,323 skigiparang, an•tangtangko kamo ra•piltaichina dabie Bristibar salo, Tripura a•dokni chief minister Dr Manik Saha-ona jinma re•jomangahachim indiba uamangko ja•mano police-rang champengsoaha.

Supreme Court-oniko man•sogipa RIT-o pangchake ia skigiparang, ramarango re•jome jingjengatna a•bachengpiltaiaha.

Ia skigiparangni matnangani gitade, Supreme Court-ni ge•etaniko education-ni gitcham director ma•sisretahani a•selsa aro sak 10,323 skigiparangko kamoniko ra•galna gita 2017 bilsini December 23 tariko u•iataniko on•ahani a•selsa case-o ong•pagijagipa skigiparangba kamtangtangko gimaatna nangahachim.

Ia skigiparangko kamtangtango ra•pilchina dabie, CM-ni nokona jinma re•jomangengmiting somoio skigiparangko police-rang, Women’s College sambao champengsona man•aha.

CM-ni nokona re•jomangengako champengsoani ja•man, skigiparang jinma ramao asonge, sorkari aro police-rangni kosako chrik a•bokanirangko dakna a•bachengskaaha.