Agartala, Jan 19: Tripura Assembly election-ko ong•atna gita tarikko parakatani ja•man Tripura a•dokni Dhalai a•jao, Tipraha Indigenous Progressive Regional Alliance (TIPRA)-na kam ka•enggipa mande saksako ong•gija dakgipa manderang so•ote galaha ine Bristibar salo police-rang u•iataha.
Police-rangni u•iatani gitade, ia bilsi 44 ong•gipa mandeko so•otanio maming politics-ni gitade jak dongja indiba tangka paisani bidingo golmal ong•esa so•otaha.
Ia a•selni bidingo police-rang, mande sakbriko rim•aha aro kate dongenggipa gipin sakgni manderangkoba rim•na sandikuenga ine kobor on•aha.
Indake ong•engon, TIPRA-na kam ka•enggipa Pranajit Namasudhra-ko BJP-ni membor-rangsa chadrapaha aro ua chadrapako man•e saknaanirangko man•ahani gimin Budbar waljatchini ja•man hospital-ona ra•angon, saknaanirangko man•e siangaha ine TIPRA-ni dilgipa Pradyot Bikram Manikya Deb Barman parakatskaaha.
