Agartala, Jan 4: Tripurani Bir Bikram Airporto rikgimin gitalgipa Aeroplane onchongchakna rikgimin nokko mongolbal salo PM Modi oprake on•anggen.Airport authority of Indiani u•iatani gitade ia nokchurako rikna gong 450 crore tangkarangko nangaha. Ia airporto sak 500san songregiparangko chakbanggipa biap, da•ode una changbri ba changbonga gadang batpile songregiparangko chakskagnok.Ia new airport terminal building ba aeroplane onchongchakramko Tripurao rikaniara, airport authority of India ba AAIni salgro-salaram a•dokrangoba ia sildoreng ba aeroplane bilruraaniko namdapatna kamrangko ka•chakatani ong•a.Ia gitalgipa Tripurani airport terminalo dam 20 check-in counterang dam 10 immigration counterang, aeroplane boldokko dona chakbanggipa biap, dambonga custom counterang, aeroplaneona kabatgipa dolong ba boarding bridge ge dok aro aeroplane ba sildorengrangko simsake niroke tarichakgipa nok ge•sa ba donga. Cochin international airport baksa nangrime ia Tripurani gitalgipa airport terminal buildingo, uamangni nangnika gita jakkalna chu•onga gita solar powerkoba man•gen.

Ia gitalgipa aeroplane onchongram nokchura ba new integrated terminal buildingko ra•bae rikaniara, a•joltangni dingtang dingtang daka-rikani, dakbewalrangko a•songni gipin manderangba u•ipachina ine Airport authority of India a•bachengataha.Ia biapni apala 30000 Square metremang ong•gen. The new state of art terminal building ingipa dolranga, India a•songni, latest information technology chi dakchakako man•gipa ong•skaa.