Tura, June 9 : East Garo Hills Williamnagar-ni bilsi 44 ong•gipa me•chikmani ka•tongo double chamber pacemaker teka baksana angioplasty operation-ko ka•ani name chu•sokaha. Ia operation-ko gital a•bachengatgipa Cardiac Catheterization (CATH) Lab-o ka•angaha.
A•bachengo ia bilongbee sagipa mandeko, Williamnagar Civil Hospital-ona rimangahachim, jekon somoi dongmitingon, Tura Civil Hospital-ona watatskaa, indake adita somoirangko re•atkugenchim ong•ode sagipa mandena namjabatnaba dongachim.
Sagipa mandeko hospital-ona bilongakosa rimbaahachim. Uni janggina kenchakaniba ong•engani gimin uko ta•rake operation ka•na nangchongmotaniba ong•aha, ine Tura Civil Hospital-ni Chief Cardiologist, Dr. Jacob Abraham Ruram u•iataha. Somoi gita ianona watatani a•sel aro CATH lab-o chu•onga gita bosturang dongani a•sel chinga iaboperation-ko chu•sokatna gita man•aha ineba ua aganangkuaha.
Ia double chamber pacemaker-ko tekanichi, sagipa mandeni ka•tongko name kam ka•na dakchakana agreba, sagipa mandeni be•en bimangko an•sengroronaba dakchakgen. “Ua da•o dipet ka•sinsin nambatroroengaha aro taraken namnaba ka•dongsoenga,” ineba Dr. Ruram aganangaha.
Na·simang ia video-koba nina man·gen:
Na·simang iakoba poraina man·gen: Karimganj-o pu·onatpiltaichina Cong candidate dabia
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
