Shillong, Mar 12: Tura Government Medical College-ko ta•raken kulina gita sorkari rakbee kamrangko ka•enga ine Budbar salo, Meghalaya a•dokni Health Minister Ampareen Lyngdoh parakataha.
Assembly-o sing•anirangna aganchakaniko on•angengon, Tura Govt Medical College-ko 2026-2027 bilsini gisepo kulina dongimin nisanko chu•sokgipa ong•atna sorkari rakbee kamrangko ka•enga ine Lyngdoh aganaha.
Tura Medical College-ko inspect ka•na gita sorkari, National Medical Council (NMC)-ko okamatenga ine janapatengon, NMC-ni dongimin niam gita Tura medical college-o ge 400 palangrangko gapatna sorkari, ge 180 palangrangko on•dapna kamrangko ka•enga ine Health Minister aganaha.
Opposition dolni dilgipa Mukul Sangma-ni sing•anina aganchakaniko on•angengon, Tura Govt Medical College-ko rikani da•o 75 percent-de matchotaha ine Lyngdoh aganaha.
Ia medical college-na maharirangni on•gilgipa a•arangara acre 99 ong•a ine talataniko on•angengon, da•o dipet ia project-na India sorkarini chamatgipa tangkarangara gong crore 170.10 ong•aha, PMC-na watatgipa tangkarangara gong crore 185.65 ong•aha aro PMC-ni contractor-na watatgipa tangkarangara gong crore 178.66 ong•aha ine Health Minister parakataha.
Na·simang ia video-koba nina man·gen:
Na·simang iakoba poraina man·gen: Pope Francis una ka·sae simsak-nirokgiparangko mittel-mitchua
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Playstore App – Northeast Media Hub
