Tura, Jan 12: Sukrobar salo, Meghalaya a·dokni Governor Phagu Chauhan, a·dokni Chief Minister Conrad K Sangma, Assembly Speaker Thomas A Sangma, Cabinet Minister Thomas A Sangma aro Tura-ni Lok Sabha MP Agatha K Sangma-ni dongpaanio, Tura-ni Raj Bhavan-ko nokdonggae on·angaha.
Tura-ni Raj Bhavan-ko nokdonggae on·anganio a·dokni Governor, jinmana aganprakatengon, Tura-ni Raj Bhavan-ko matchotate on·anian a·doko namroro silroroaniko ta·rakbatatna gita sorkarini on·kange kam ka·aniko mesokani ong·enga ine parakataha.
Garo Hills-ko matgrikrangni a·song ine janapatengon, ua Pa Togan Nengminja Sangma-ni giminba adita janapangaha.
Salgro salaram jolrango namroro silroroaniko ra·bana gita India sorkarini rakbee kamrangko ka·engani gimin a·dokni Governor, dingtangmancha a·songni Prime Minister Narendra Modi-koba mittelpilangaha.
Tura-ni Raj Bhavan-ko nokdonggaanio a·dokni Chief Minister Conrad Sangma-ba jinmana aganprakangengon, Raj Bhavan (Governor House)-ko nokdonggaaniara Garo Hills-ni manderangna gisik ra·beani sal ong·aha ine parakangaha.
Tura-o Raj Bhavan-ko rikaniara manderangni ru·utbea somoirangna dabiani ong·achim ine janapatengon, ia Raj Bhavan-ko matchotaniara manderangni nangnikanirangko chu·sokatna gita sorkarini kam ka·aniko mesokani ong·aha ine Sangma aganaha.
Changbongagipa Meghalaya Games 2024-ko a·bachengatna gita a·dokona re·baani somoio a·songni President Droupadi Murmu, Tura-ni Raj Bhavan-o walsa waltuanggen ineba Chief Minister parakataha.
Iakoba poraie nina man·gen: Meghalaya Games 2024: U-18 me·chikrangni robol kal·anio South West Khasi Hills, West Garo Hills-ko 4-0 ama
WATCH:
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
