Tura, May 25: Budbar walo, Tura-ni Dakkopgre-o donggipa Housing office sepang jolo, Winger gari bolsa, ramasamo dongsoenggipa Mahindra pik-up gariko su·gake a·sel ong·anio adita sak manderang saknaanirangko man·na nangaha.
Koborko on·ani gitade, Budbar walni 9:00 bajimango, Winger gari bolsa, ong·gija side gita ta·rakbee re·baenba, ramasamo dongsoenggipa Mahindra pik-up gariko su·gakeaha aro ia a·sel ong·anio gari bolgnionin adita sak manderang saknaanirangko man·na nangaha.
Mahindra pik-up gariko su·gakeani ja·man Winger gariko wa·al kamna a·bachengahachim indiba sambao donggipa manderangni dakchakanichi ia wa·alko kimitpilna man·aha aro dal·bea a·sel ong·gnioniko chel·chakna man·aha ineba kobor on·aha.
Kobor on·timgiparangni u·iatani gitade, ia a·sel ong·ani ja·man, Winger gariko salgipa mande, ua biaponi kataha.
