Shillong, Aug 13: Re·anggipa July jani 24 tariko, Tura-ni Chief Minister’s Office (CMO)-ko chadrape so·sojengjeng ong·ani bidingo, jingjengataniko dakdilgipa mande sakgittamni anticipatory bail-na dorgasto galaniko Meghalaya High Court jegalataha.
July-ni 25 tariko West Garo Hills a·jani Circle Inspector (Sadar) Bitching N Marak-ni FIR ka·ani ja·man, ACHIK-ni dilgipa Laben Ch Marak, ACHIK-ni general secretary Bernita R Marak aro GSMC-ni Co-Chairman Balkarin Ch Marak-ni anticipatory bail-na bi·aniko Meghalaya High Court jegalataha.
Ia dilgiparangni kosako Unlawful Activities (Prevention) Act, Meghalaya (Maintenance of Public Order) Act aro Prevention to Damage to Public Property Act-ni dingtang dingtang niamrango pangchake mokordoma ka·ahachim.
Ia dilgipa sakgittamni anticipatory bail-na dorgasto galaniko jegalatengon, so·sojengjeng ong·anio ia manderang jak donga ine sakkirang dongahani gimin ia manderangni kosako sandirokengmiting somoio High Court, jak on·na man·jawa ine August-ni 11 tariko Meghalaya High Court-ni Justice W Diengdoh parakataha.
Tura-ko Winter Capital songchina aro Reservation Roster-ko backlog policy gnang ra·gatchina dabienggipani bidingo a·dokni Chief Minister, ACHIK, GSMC aro dingtang dingtang dolni dilgiparangko Tura-ni CMO-o gronge agangrikengmiting somoio rang·san manderangni ro·ongrangko goe aro wa·alrangko so·e chadrapani a·sel komibeoba sak 18 sipairang saknaanirangko man·na nangahachim aro komibeoba bol 20 garirang nosto ka·ako man·na nangahachim. Rasong gnangbee ia a·sel ong·anio Chief Minister aro gipin sorkari officer-rang saknaanirangko man·jahachim.
Ia so·sojengjeng ong·atanio jak donganina police-rang da·o dipet sak 50 manderangko rim·na man·ahachim.
Iakoba poraie nina man·gen: 120 Battalion CRPF, Azadi ka Amrit Mahotsav-ko Tura-o bon·chote manianga
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
