Shillong, March 24: India a·songo songdonggipa bang·a jatrangni an·tangtangni tarigimin niamrango pangchake chasongrangna ja·rikbaenganichi dingtanggrikaniko bon·atna miksonge a·songo ra·gatna gita de·e ra·baenggipa Uniform Civil Code (UCC) Bill, 2022-ko da·odipetde Private Members’ Bill dakesa Rajya Sabha-ona ra·baenba chanchirimaha ine a·dokni skotong minister Pa Conrad K Sangma, Sukrobar salo assembly-o u·iatangaha.
Budget-na tom·enggipao Mawryngkneng-ni VPP MLA Pa Pa Heavingstone Kharpran-ni sing·anina aganchakangengon, Pa Sangma, ia Bill-ara India sorkarini chanchie ra·baenggipade ong·ja, indiba ra·chakkugijagipa Bill-rangoni mingsa ong·a, jean nombor 100-gipasa ine u·iatjolaha.
“Ua Bill-ko Rajya Sabha-ona ra·bachengenba chanchirimahachim, indiba da·o ia Bill-ni gimin mamingkoba chanchia dongtaikuja,” ineba skotong minister aganangaha.
