Shillong, Jan 20: United Democratic Party (UDP)-ko bikotdilchenggipa membor-rangoni saksa Bindo M Lanong-na ia 2023 bilsini Assembly election-o Nongkrem constituency-oni susana gita UDP-ni tikitko on•jahani gimin Independent candidate ong•e susaskana manchiangaha.
An•tangni Independent candidate ong•e susaskana manchianiko kobor ra•timgiparangna parakatengon, ua UDP-oni ma•ekkujawa indiba ia chang election-o Independent candidate ong•e susaenba, ja•mano gitcham dilgiparang baksa UDP-O (Original)-ni membor ong•e dongangkugen ine Lanong parakataha.
Ia Assembly election-o ua UDP-ni candidate Lambor Malngiang baksa Nongkrem constituency-o susagrikgen ine talatangengon, election matchotahaode ua UDP-onan re•bapilaigen ine Lanong parakataha.
Da•o dipet ua gital party-ko bikotna miksonganide dongja ineba Lanong parakataha.
UDP-ko bikotdilchenggiparangoni Bindo Lanong-ba saksa ong•achim indiba ia election-o Nongkrem constituency-oni susana gita una UDP-ni tikitko on•gija, adita salrangna skang kamtangko watanggipa MLA Lambor Malngiang-nasa on•skaahachim ine nikna man•a.